Mashxur murabbiy saratondan tuzaldi

Niderlandiya terma jamoasi sobiq bosh murabbiyi Lui van Gal saraton bilan kurashganini aytdi.

Mutaxassis kasalligi haqida uch yil oldin e’lon qilgan. O‘sha paytda u Niderlandiya terma jamoasini boshqargan.

Hozirda u "Ayaks"ning maxsus maslahatchisi bo‘lib, tez-tez omma oldida paydo bo‘ladi.

"Saraton meni ortiq bezovta qilmayapti. Ikki yil oldin meni bir necha marta operatsiya qilishdi. O‘shanda hammasi yomon edi.

Ammo oxir-oqibat hammasi yaxshi bo‘ldi, men saratonni enga oldim. Har bir necha oyda ko‘rikdan o‘taman va ishlarim yaxshi ketyapti. Menga hammasi yaxshi," - dedi "Ayaks," "Barselona," "Bavariya" va "Manchester Yunayted" sobiq murabbiyi.

73 yoshli van Gal murabbiylik faoliyatiga qaytishni istamasligini tasdiqladi. Mumkin bo‘lgan yagona variant - top-terma jamoadan taklif.