Машҳур журналист Роналдунинг голларга бўлган иштиёқидан ҳайратда

Жаҳон чемпионати саралаши доирасидаги ўйинда Португалия ўз майдонида Венгрия билан 2:2 ҳисобида дуранг ўйнади. Мазкур баҳсда Криштиану Роналду дубль муаллифи бўлди.

Учрашувдан сўнг машҳур британиялик журналист Пирс Морган португалиялик юлдузнинг голларга бўлган иштиёқидан ҳайратда қолганини таъкидлади.

“Роналду яна гол урди — бу унинг профессионал футболидаги 947 ва 948-голлари. У 40 ёш бўлишига қарамай, клуб ва терма жамоа сафида гол уриш иштиёқи асло камайгани йўқ. У 1000 та голга тобора яқинлашмоқда. Бу шунчаки ақл бовар қилмас даража”, — деди Морган.

 Маълумот учун, ҳужумчи терма жамоа сафида 225 та ўйин ўтказиб, 143 та гол киритган.