Мария Саккари нима бўлганини тушунмай қолди

Грецичлик теннисчи Мария Саккари Сан-Хосе шаҳрида ўтаётган  "Mubadala Silicon Valley Classic" турнирининг 1/2 финал босқичида муваффақиятсизликка учради.

Мария ушбу босқичда хитойлик Чжен Сайсай билан куч синашиб, якунда 6:7, 2:6 ҳисобида имкониятни бой берди. Шу тариқа Чжен ўзаро ўйинлардаги ҳисобни 1:1 кўринишига олиб келди.

Энди Хотин-қизлар теннис уюшмаси томонидан ўтказилаётган мусобақа финалида Сайсай беларуслик Арина Соболенкога қарши ракеткасини қўяди.