Мареска: "Ёшларга кўпроқ имконият беришим керак"

"Челси" бош мураббийи Энцо Мареска, Уэйн Рунининг " Қорабоғ"га қарши ўйиндан кейинги эътирозларига муносабат билдирди.

"Биз шунақа замонда, ҳамма истаганича гапира оладиган замонда яшаяпмиз, деб кўп маротаба айтганман. Буни ҳурмат қиламан, аммо мен "Қорабоғ"га қарши ўйиндан кейин ҳам, жамоага энди келган пайтимдан бери ҳам ротация қилиб туриш керак деган фикрдаман. Бу қарорларимга ҳеч қачон эътироз ва шикоятлар бўлмаган.

Ўйлайманки, бу ерда Бразилия терма жамоаси вакили Андрей Сантос, Нидерландия терма жамоаси аъзоси Йоррел Хато ва яна бир бразилиялик футболчи Эстевао ҳақида гап кетаётган бўлса, бу ротация эмас. Улар яхши ва истеъдодли футболчилар. Мен эса  ёшлар билан кўпроқ ишлашда давом этаман", - деди Мареска.

Маълумот учун, "аристократлар" Европа Чемпионлар лигасининг 4-турида сафарда "Қорабоғ" билан ўйинда 2:2 ҳисобида дуранг натижа қайд этди.