"Манчестер Юнайтед"нинг Роналду борасидаги режалари маълум

"Манчестер Юнайтед"нинг 37 ёшли ҳужумчиси Криштиану Роналдунинг келажаги ҳамон номаълум. “Goal” нашри хабарига кўра, “қизил иблислар” португалияликнинг клубни тарк этиш ҳақидаги фикри ўзгаришига умид қилмоқда. Манкунианликлар ҳужумчини таркибда сақлаб қолиш учун бор кучини сарфламоқда.

Олдинроқ Роналду ёзги трансфер ойнаси вақтида бошқа клубга ўтиш истаги борлигини маълум қилганди. Португалиялик футболчи манкунианликларнинг янги харидлар борасидаги қароридан қониқиш ҳосил қилмади.  Шунингдек, у жамоанинг кейинги мавсум Чемпионлар лигаси йўлланмасига эга чиқа олмаганидан афсусда.

ОАВда футболчига даъвогар клублар номи аллақачон маълум қилинган: “Бавария”, “Барселона” ва “Челси”.

Маълумот ўрнида, Криштианунинг "Юнайтед" билан шартномаси келаси ёзигача амал қилади.