"Manchester Yunayted"ga yangi sport direktor tayinlandi

"Manchester Yunayted" jamoaning yangi sport direktori etib Jon Myortofni tayinladi. U 2013 yilda Devid Moyes bilan birga klubga kelgandi.

Jon o‘shanda "qizil iblislar"ning yosh kadrlar bilan shug‘ullanish vazifasida ish boshlagandi. Oradan 3 yil o‘tib, uni futbolni rivojlantirish bo‘lim boshlig‘i etib tayinlashgan. 

Shuningdek, Myortof "qizil iblislar" skaut tizimini qayta tashkil etgan. Aynan uning davrida klub Fernandesh, Kavani va Uan-Bissaka kabi futbolchilarni harid qilgan. 

Eslatib o‘tamiz, shu paytgacha MYuning sport direktori vazifasida Ed Vudvord ishlab kelayotgandi.