“Manchester Yunayted” Jeydon Sanchoni kutib olishga tayyorlanmoqda

“Borussiya” yarim himoyachisi Jeydon Sancho kelasi mavsumdan Manchesterda to‘p suradigan bo‘lyapti.

Ma’lumotlarga qaraganda, tomonlar ingliz futbolchisi transferini 100 million funtga kelishib olgan.

“Manchester Yunayted” bosh murabbiyi Sulsher anchadan buyon bu futbolchini o‘z jamoasi tarkibiga qo‘shib olishni orzu qilayotgan. Vaziyatni kuzatib borayotgan ekspertlar muzokaralar yakuniy bosqichga kirganini va transfer katta ehtimol bilan tez kunlarda amalga oshirilishini ta’kidlashmoqda.

Sancho joriy mavsumda 43 ta o‘yinda 19 ta gol urishga muvaffaq bo‘ldi.