“Манчестер Юнайтед” 18 ёшли футболчининг маошини 10 баравар оширди

“Манчестер Юнайтед” сафида порлай бошлаган Алехандро Гарначо тез орада клуб билан янги шартнома имзолайди.

Клуб раҳбарияти асосий таркибга ёриб кирган ва муҳим голларни ура бошлаган 18 ёшли ярим ҳимоячининг маошини ҳафтасига 57 минг евро қилиб белгилмоқчи. Айни пайтда Алехандро ҳар ҳафта 5,7 минг евро маош оляпти.

Гарначо биринчи жамоага 2020 йилнинг октябрида қўшилган эди. Алехандро “Манчестер Юнайтед” сафида ноябрь ойининг энг яхши футболчиси, деб топилди. Жорий мавсумда барча турнирларда 11 маротаба майдонга тушиб, учта гол ва учта ассист қайд этди.

Истеъдодли испан футболчиси аслида “Атлетико”  тарбияланувчиси ҳисобланади. Унинг шартномаси тез орада 2027 йилгача узайтирилади.