“Manchester Siti” Klyuyvert bilan kelishuvga erishdi

Peruning “Alyansa Lima” klubi o‘ng qanot himoyachisi Klyuyvert Agilar faoliyatini “Manchester Siti”da davom ettiradigan bo‘ldi.

Klub rasmiy sayti tarqatgan xabarga ko‘ra, Agilar 18 yoshga to‘lishi bilan, ya’ni 2021 yilning may oyida rasman “shaharliklar” safiga ko‘chib o‘tadi.

“Manchester Siti”ga o‘tish bu faoliyatimdagi eng katta yutuq bo‘ldi. Men bilan shartnoma imzolashganidan xursandman. Maqsadim - jamoaning asosiy futbolchisiga aylanish. Evropaga ko‘chib o‘tganimdan xursandman, ammo hozircha “Alyansa Lima”da o‘ynab turaman”, - deydi Agilar.