"Манчестер Сити" футболчилари ва бошқа машҳур спортчилар ҳарбий лойиҳага аралашиб қолишган

Формула-1 пойгачиси, "Феррари" жамоаси вакили Шарль Леклер, дунёнинг иккинчи рақамли теннисчиси италиялик Янник Синнер, дунёнинг иккинчи рақамли аёл теннисчиси полшалик Ига Швёнтек ва "Манчестер Сити" футболчилари Хитой ҳукумати билан боғлиқ ҳарбий ташкилотлар томонидан спортчиларнинг мия фаоллиги ҳақидаги маълумотларни ўғирлашда қурбон бўлиши мумкин, деб хабар берди Испаниянинг AS нашри.

Hunterbrook Media ва журналист Пабло Торре томонидан ўтказилган тадқиқотда спортчилар Хитойда ишлаб чиқарилган FocusCalm махсус бош боғичи ёрдамида мия тўлқинлари маълумотларини беихтиёр узатишган бўлишлари мумкин.

FocusCalm - бу мия фаоллигини ўлчаш учун EEG тасмаси ва нейро-қайтар алоқа ёрдамида концентрация ва бўшашишни яхшилаш учун худди шу номдаги иловани бирлаштирган тизим. Технология ўйинлар, медитациялар ва ақлий машқлардан фойдаланиб, стрессли вазиятларда хотиржамликни сақлашга ёрдам беради.