Madrid klubini ikkita himoyachi tark etdi

Madridning "Atletiko" klubi o‘zining ikki himoyachisi Reynildu Mandava hamda Sezar Aspilikueta bilan xayrlashganini e’lon qildi. Klub futbolchilar bilan bugun tugaydigan shartnomani uzaytirmadi.

Ayni vaqtda 31 yoshda bo‘lgan Mandava madridliklar safida 4 mavsum to‘p surdi. Chap qanot himoyachisi "matraschilar" safida 103 ta uchrashuvda maydonga tushishga muvoffaq bo‘lgan.

Avgust oyida 36 yoshni qarshilaydigan Aspilikueta Madrid klubida ikki mavsum o‘tkazdi. Bu vaqt ichida u 54 ta o‘yin o‘tkazdi. Futbolchi o‘ng qanot himoyachisi va himoya markazida o‘ynadi.