Лукас Моура "Тоттенхэм"да ўйнамоқчи

ПСЖ клуби ярим ҳимоячиси Лукас Моура фаолиятини қаерда давом эттириш борасида бир қарорга келди.

Берилган маълумотларга қараганда 25 ёшли бразилиялик футболчига “Тоттенхэм”нинг ўйин услуби жуда ёқади. Моуранинг фикрича Маурисио Почеттино унинг фаолиятини қайтадан “жонлантириш”га қодир.

Ўз навбатида “шпорлар” “Бордо”дан Малкомни сотиб олишолмаган тақдирда, бу жойга айнан Моура номзодини кўзлашмоқда.

Таъкидлаш лозимки, Моурага шунингдек «Боруссия» Дортмунд, «Бетис», «Наполи», «Валенсия» ва Хитойнинг «Шандунь Лунэн» клублари ҳам жиддий қизиқиш билдиришмоқда.