Луис Энрике тез орада "Реал"га ўтиши мумкин

Мадриднинг "Реал" клуби ўз сафини яна бир бразилиялик футболчи билан тўлдирмоқчи.

AS нашри тарқатган хабарга қараганда, “Қироллик клуби”нинг эътибори бу гал "Флуминенсе"нинг ҳужумкор ярим ҳимоячиси Луис Энрикега тушган. Агар “Реал” 20 ёшли иқтидор эгасини қўлга киритса, уни "Кастилья" сафида рўйхатдан ўтказади.

Энрикенинг айни дамдаги трансфер нархи 3,5 миллион еврога баҳоланмоқда. Луис шу пайтгача "Флуминенсе" сафида жами 76 та ўйинда майдонга тушган ва ўз ҳисобига 7 та гол ҳамда 6 та голли узатма ёздириб қўйган.