Луис Энрике ПСЖга “Реал” юлдузини чақиряпти

Европа Чемпионлар лигасининг амалдаги ғолиби – “Пари Сен-Жермен”га устозлик қилаётган Луис Энрике жамоаси таркибида “Реал” ярим ҳимоячиси Эдуардо Камавингани кўрмоқчи.

Transfer News Live ва Defensa Central каби манбаларнинг маълум қилишича, 22 ёшли футболчига испаниялик мураббийнинг шахсий ўзи жиддий қизиқиш билдиряпти.

“Реал” мутасаддилари эса, Эдуардонинг кейинги пайтда жароҳатларга мойиллиги ошиб бораётганидан хавотирда ва ўйинчининг нархи пасайиб кетмасидан уни сотиб юборишга қарши эмас.

Камавинганинг мадридликлар билан шартномаси 2029 йилнинг ёзигача амал қилиши белгиланган.  Transfermarkt портали экспертлари франциялик футболчини 60 миллион еврога баҳолаяпти.