Луис Диас "Бавария"га ўтиш арафасида

"Ливерпуль" вингери Луис Диас "Бавария"га ўтиш арафасида турибди.

Инглиз гранди 28 ёшли футболчи учун мюнхенликларнинг бир нечта таклифларини рад этди, бироқ у барибир Германияга кўчиб ўтадиган кўринади. Журналист Николо Скиранинг маълум қилишича, томонлар келишувга яқин. "Бавария" колумбиялик юлдузни 75 млн еврога трансфер қилади. Футболчининг ўзи билан 2030 йилгача мўлжалланган шартнома аллақачон келишилган.

Аввалроқ Луис Диасни қўлга киритишга "Барселона" ва Саудия Арабистони чемпионати вакиллари қизиқиш билдираётган эди. Вингернинг "Ливерпуль" билан амалдаги меҳнат шартномаси 2027 йилда ўз ниҳоясига этади.