"Los-Anjeles Gelaksi" futbolchilari Ibragimovich ketganidan mamnun

"Los-Anjeles Gelaksi" klubi yarim himoyachisi Sebasten Lletjet shvetsiyalik hujumchi Zlatan Ibragimovichning ketishi jamoa futbolchilari uchun yoqimli holat bo‘lganini aytdi.

“Shubhasiz, bu erdagi muhit ancha yaxshilandi. Vaqt o‘tishi bilan maydonda bir-birimizni tushunishimiz yaxshilandi.

Ibragimovich jamoada ekanligida biz o‘zimizni erkin his qilmasdik. Bu juda yoqimsiz holat edi. Butsalarimni echib, maydondan chiqib ketmoqchi ham bo‘lganman”, - dedi Lletjet.

Ibragimovich "Los-Anjeles Gelaksi" safida 2018-2019 yillarda to‘p surdi. Shundan so‘ng, u yana Evropaga qaytishga qaror qildi va “Milan” bilan shartnoma imzoladi.