“Ливерпуль” футбол эмас, баскетбол ўйнаяпти. Ҳали бунақа танқид бўлмаганди

Англиянинг амалдаги чемпиони “Ливерпуль” Европа Чемпионлар лигаси умумий босқичининг иккинчи турида Туркиянинг етакчи жамоаси “Галатасарой”дан мағлубиятга учради.

Туркларга ғалаба келтирган ягона голни Виктор Осимхен 16-дақиқада пенальтидан киритди. Англияликлар қолган дақиқада мағлубиятдан қутила олмади.

Айни пайтда футбол эксперти бўлиб ишлаётган “Ливерпуль”нинг машҳур ўйинчиси Жейми Каррагер Туркиядаги ўйиндан кейин ҳозирги жамоани кескин танқид қилди.

-  Мен топ-даражадаги жамоани кўрганим йўқ. “Ливерпуль” бу мавсумда футбол эмас, баскетбол ўйнаяпти. Мен бу фикримни бош мураббий Арне Слотга “Борнмут”га қарши ўтказилган учрашувдан кейиноқ айтдим.

Ҳозир бош мураббий унга нега шунча катта маош олаётганини майдондаги ўйин билан кўрсатишнинг айни пайти. Арне Слот буни жуда яхши тушуниб турибди, - деди Жейми Каррагер.

Таъкидлаш лозимки, “Ливерпуль” футболчилари “Галатасарой” билан бўлган учрашувдан бир неча кун аввал Англия Премьер-лигасида “Кристал Пэлас”дан енгилган эди. Буниси қаторасига иккинчи мағлубият бўлди.