"Ливерпуль" етакчиси "Челси"га қарши учрашувни жароҳат сабаб ўтказиб юборади
"Ливерпуль" навбатдаги ўйинда асосий дарвозабони Алиссондан фойдалана олмайди.
Бразилиялик дарвозабон Чемпионлар лигаси 2-турида "Галатасарай"га қарши баҳсда (0:1) жароҳат олди ва иккинчи таймда алмаштирилди.
Жамоа бош мураббийи Арне Слотнинг айтишича, Алиссон Англия Премьер-лигасининг 7-турида "Челси"га қарши майдонга тушмайди:
"Майдонни бундай тарк этишга мажбур бўлганингда, ҳеч қачон яхши натижа кутиб бўлмайди. Аммо ишонч билан айта оламанки, шанба куни у ўйнамайди", – деди Слот "Amazon Prime"га берган интервьюсида.
Фикрлар