"Ливерпуль" африкалик юлдузидан айрилиш арафасида!

"Бавария" "Ливерпуль" вингери Садио Манени ўз сафига қўшиб олишга жиддий киришган. 

"Sky Sports Deutschland" журналисти Флориан Плеттенберг хабарига кўра, Мюнхен клуби сенегаллик футболчини ёзда ўз сафига қўшиб олишга ишончи комил. 

Клуб Маненинг трансфери у қадар қимматга тушмаслигига ишонмоқда. Улар "Ливерпуль"га сенегаллик учун 50 миллион евро атрофида пул тўламоқда. 

Бундеслига чемпиони 30 ёшли футболчи учун йиллик 12-15 миллион евро миқдорда маош тўлашга тайёр. 

Жорий мавсумда Мане "қизиллар" сафида жами 50 та ўйинда майдонга тушиб, 23 та гол ҳамда 2 та голли узатма муаллифига айланди.