Гвардиола охирги тайёргарлик ўйинига Ҳусановни чақирди!
“Манчестер Сити” янги мавсумда бир неча йўналишда бош соврин учун кураш олиб боради. Хосеп Гвардиола шогирдлари учун энг асосий мақсад – Англия Премьер-лигаси ва Европа Чемпионлар лигасида ғолиб чиқиш. Шунингдек, “шаҳарликлар” ички кубок мусобақаларида ҳам имкон қадар муваффақиятли иштирок этишга бел боғлайди.
Хосеп Гвардиола ўтган йилги инқироз ва совринсиз мавсумдан кейин жамоа таркибида жиддий ўзгаришлар қилди. Охирги ярим йилдан кўпроқ вақт ичида жамоага Абдуқодир Ҳусанов, Витор Рейс, Умар Мармуш, Нико Гонсалес, Жума Ба, Маркус Батинелли, Райан айт-Нури, Райан Шерки, Сверре Нюпан, Клаудио Эчеверри, Жеймс Траффорд каби ўйинчилар олиб келинди.
Табиийки, уларнинг барчаси ҳам янги мавсумда асосий таркибда бўлмайди. Ҳозирнинг ўзида янги ижрочилар орасида бошқа клубларга ижарага жўнатилаётганлари бор ва бу йўналишдаги ишлар давом этади.
АҚШда ўтказилган клублар ўртасидаги жаҳон чемпионати “Манчестер Сити” бош мураббийи Хосеп Гвардиола учун кўплаб ўйинчиларни синовдан ўтказиш имконини берди. ФИФА янги форматда ташкил қилган бу турнир иштирокчи жамоалар учун мавсумлар оралиғидаги тайёргарлик босқичиси вазифасини ҳам ўтади.
Энди “Манчестер Сити” 16 август куни Англия Премьер-лигасининг биринчи туридан ўрин олган “Вулверхэмптон” билан бўладиган сафар учрашувидан олдин охирги тайёргарлик ўйинини ўтказади.
9 августдан 10 августга ўтар кечаси Тошкент вақти билан 00:00 да бошладиган учрашув Италияда “Палермо” клубига қарши бўлиб ўтади.
Хосеп Гвардиола бу учрашувга 22 нафар ҳар томонлама тайёр ўйинчиларни киритди. “Шаҳарликлар” эълон қилган таркибда Абдуқодир Ҳусанов ҳам бор. Италиядаги ўйинга жалб қилинган таркиб қуйидагича кўриниш олди:
Дарвозабонлар:
Эдерсон, Жеймс Траффорд.
Ҳимоячилар:
Рико Льюис, Абдуқодур Ҳусанов, Рубен Диаш, Матеус Нунес, Мануэль Аканжи, Жон Стоунз, Натан Аке, Райан Айт-Нури, Нико О’Рейли.
Ярим ҳимоячилар:
Нико Гонсалес, Бернарду Силва, Илкай Гюндоған, Тижани Рейндерс, Райан Шерки, Дивайн Мукаса.
Ҳужумчилар:
Эрлинг Холанд, Умар Мармуш, Оскар Бобб, Савиньо, Жереми Доку.
Таниқли журналист Саймон Байковскининг маълум қилишича, мураббийлар штаби ўртоқлик учрашувига ўн нафар футболчини жалб қилмади. Хусусан, Жеймс МакЭйти, Жек Грилиш ва Штефан Ортега тез орада жамоани тарк этади ва шу боис, қайдномага киритилмади.
Йошко Гвардиол, Родри, Фил Фоден ва Клаудио Эчеверри жисмоний жиҳатдан тўлиқ тайёр бўлмагани учун майдонга тушмайди. Маркус Беттинелли, Матео Ковачич ва Калвин Филлипс жароҳатларини даволатмоқда ва ҳали жамоага ёрдам бера олмайди.
Ҳусанов қанча оляпти? “Манчестер Сити” футболчилари маоши эълон қилинди
Шомуродов тушиб, ўйинда бурилиш рўй берган баҳсдан кейин “Башакшеҳир” устози нималар деди?
Файзуллаевнинг салоҳиятини кўрдик! “Башакшеҳир” устози Аббос ҳақида яна нималар деди?
“Манчестер Сити” Ҳусановни танлади
Ҳусановни сўраётган клублар бор, лекин...
Ҳусанов, дўстингни табриклаб қўй!
Ҳаммаси тугади! Ҳусановнинг устозидан нохуш хабар
Файзуллаев нега Еврокубокларда ўйнамаяпти?
Гвардиола Ҳусанов “ғажиб ташлаган” юлдузни олиб келмоқчи
Фикрлар