Роналду "Олтин тўп" ҳақидаги саволга кутилмаган жавоб қайтарди

Португалия терма жамоаси ва "Ан-Наср" клуби ҳужумчиси Криштиану Роналду жорий йилги "Олтин тўп" мавсумининг энг яхши футболчиси совринини ким олиши ҳақидаги саволга жавоб берди.

Жорий йилда "Олтин тўп"ми? Мен учун бу фиктив соврин (Номигагина берилган мукофот, сохта, ғирром)" - дея 40 ёшли Al Nassr Zone ҳужумчисининг сўзларини келтирди Х ижтимоий тармоғидаги саҳифаси.

Роналду 5 карра "Олтин тўп" соҳиби ҳисобланади. Ундан кўпроқ ушбу совринни фақат Аргентина терма жамоаси ва "Интер Майами" ҳужумчиси Лионел Месси (8) қўлга киритган.

Роналду "Ан-Наср" сафида 2023 йилнинг январидан буён тўп суриб келмоқда. Футболчининг клуб билан амалдаги меҳнат шартномаси 2027 йилнинг ёзига қадар мўлжалланган. Transfermarkt порталида келтирилган маълумотларга кўра, футболчининг бозор нархи 12 миллион еврони ташкил этади.