"Lion" bosh murabbiyi: "Bavariya"ning kuchsiz tomoni yo‘q, ammo hech bir jamoa ideal emas

“Lion” klubi bosh murabbiyi Rudi Garsiya bugun UEFA Chempionlar ligasi yarim finalidan o‘rin olgan “Bavariya”ga qarshi bahsdan oldin o‘z fikrlarini bildirib o‘tdi.

“Bu safargi raqibimizning kuchsiz tomonlari yo‘q, ammo hech qaysi jamoa ideal emas. Biz o‘z o‘yinimizni ko‘rsata olishimiz kerak, shundagina nimagadir erishamiz. O‘z kuchimizga ishonishimiz kerak. “Lion” “Bavariya”ga etarlicha qarshilik ko‘rsatishga qodir. Finalga chiqishga harakat qilamiz”, - deydi frantsiyalik mutaxassis.

"Lion" - "Bavariya" uchrashuvi bugun Toshkent vaqti bilan soat 00:00 da boshlanadi. Ushbu juftlik g‘olibi finalda PSJga qarshi maydonga tushadi.