Левандовски Роналдунинг ишини такрорлади, лекин Месси...

“Бавария” Бундеслиганинг 17-турида ўз майдонида “Вольфсбург”ни 4:0 ҳисобида таслим қилди. Голлардан бирига муаллифлик қилган Роберт Левандовски тўпурарлик борасида эътиборга молик натижани қайд этди.

Польшалик ҳужумчи учрашувдаги аниқ зарбаси эвазига 2021 йилнинг 1 январидан бошлаб барча турнирларда  урган голлари сонини 69 тага етказиб олди. Шу тариқа, Роберт Криштиану Роналдунинг 2013 йилдаги натижасини такрорлади.

Левандовски бу йил ўз натижасини яхшилай олмайди. “Бавария” навбатдаги учрашувни келаси йилнинг 7 январида ўтказади.

Бир йил давомида кўп гол уриш бўйича рекорд ҳамон Лионель Мессига тегишли. Аргентиналик юлдуз 2012 йилда барча турнирларда 92 та тўп киритишни уддалаган.