Лапорта Рафиньянинг бу мавсумдаги статистикасидан ҳайратда эмас

"Барселона" президенти Жоан Лапорта Рафиньянинг бу мавсумдаги муваффақиятларини олдиндан билган эканлиги ҳақида ўз фикрлари билан ўртоқлашди: 
 
- Рафинья сизни ҳайрон қолдирдими? 
 
- Биз унинг истеъдодидан хабардор эдик. Аммо ҳамманинг мослашиш даври бор ва баъзи футболчиларга кўпроқ вақт керак бўлади. Фликнинг Рафинья билан қилган иши ақл бовар қилмайди ва у ўзини ушбу жамоа сардори сифатида кўрсатди. 
 
Шунингдек, у Каталонияда ўзини жуда қулай ҳис қилади. Унинг шартномасини узайтириш яқин кунлар ёки ҳафталарда ҳал қилинади. Шу билан бирга, биз жамоа учун муҳим бўлган футболчиларнинг шартномасини тезроқ узайтирамиз. Сабаби, жамоа ғалабаларга катта ҳисса қўшган футболчилар билан янги шартнома имзолашдан ҳар доим манфаатдор бўлади" - дея сўзини якунлади "кўк-анорранглилар" президенти. 
 
Маълумот ўрнида. Рафинья жорий мавсум Ла Лигада 35 та ўйинда майдонга тушиб, 18 та гол урди ва 9 та голли узатмани амалга оширди.