Кулибали учун курашга ПСЖ ҳам қўшилди

ПСЖ клуби ҳам "Наполи" ҳимоячиси Калиду Кулибали учун курашга қўшилди. Бу ҳақда Le 10 Sport нашри хабар тарқатмоқда.

Юқоридаги манбаага кўра парижликлар 27 ёшли сенегаллик футболчини ёзда жамоани тарк этиши мумкин бўлган Тиаго Силванинг ўрнига муносиб номзод сифатида қарашмоқда.

Эслатиб ўтамиз, бундан аввалроқ Кулибалига "Реал" ва "Манчестер Юнайтед" клублари ҳам кураш олиб боришаётгани ҳақида хабарлар тарқалган эди. Неаполликлар эса унинг трансферини 129 млн еврога баҳолашмоқда.

Маълумот учун, Кулибали жорий мавсум “Наполи” сафида 45та ўйинда иштирок этди ва 2та гол ҳамда 2та голли узатмага муаллифлик қилди.