Koutino APL klubiga o‘tishni xohlamayapti. Endi "Barselona" nima qiladi?

"Barselona" ba’zi futbolchilar bilan xayrlashishga nihoyatda qiynalmoqda. Ulardan biri yarim himoyachi Koutino hisoblanadi.

Braziliyalik futbolchi endi kataloniyaliklarga kerak emas. Biroq u hamkorlik taklif qilayotgan klublarga o‘tishni xohlamayapti. Shu sababli uning vakillari "Nyukasl" bilan bog‘lanishdan bosh tortishdi, deb yozmoqda Mundo Deportivo.

Manbaning xabariga ko‘ra, Koutino Angliya premer-ligasi autsayderlaridan biri hisoblangan jamoa safiga o‘tmoqchi emas. Shu munosabat bilan "Barselona" rahbariyati yaqin kunlarda Koutino va uning agentlari bilan uchrashuv tashkil qilmoqchi. Unda pleymeykerning keyingi taqdiri muhokama qilinadi.

29 yoshli Koutino joriy mavsum “Barselona” safida jami 16 ta o‘yinda maydonga tushdi va 2 ta gol urdi.