Конате: "Мбаппе ҳар икки соатда мени "Реал"га чақиряпти"

"Ливерпуль" ҳимоячиси Ибраима Конате ўзининг "Реал Мадрид"га эҳтимолий трансфери ҳақида шўхлик билан фикр билдирди.

Аввалроқ мадридликлар Конатени сотиб олиш имкониятини ўрганиб, "Ливерпуль" билан алоқа қилгани ҳақида хабарлар тарқалган эди. Ҳимоячининг амалдаги шартномаси 2026 йилгача мўлжалланган.

Франция терма жамоаси йиғинида Конатеден "Мбаппе уни "Реал"га кўчишга кўндиряптими?" деб сўрашди.

"Ҳа, Килиан Мбаппе ҳар икки соатда менга қўнғироқ қилиб турибди", – деб кулиб жавоб берди Конате Telefoot'га берган интервьюсида.