Коло Муани "Ювентус"га қайтишни хоҳламоқда

ПСЖ ҳужумчиси Рандал Коло-Муани яқин орада "Ювентус"га ўтиши кутилмоқда. Турин клуби 26 ёшли футболчини ўз сафига қўшиб олмоқчи.

Инсайдер Николо Скиранинг хабарига кўра, франциялик футболчи “Ювентус”га тезроқ қайтишни истамоқда. Форвард аллақачон "кекса синьора" билан 2030 йилгача мўлжалланган шартнома бўйича келишиб олган. Футболчи "Ньюкасль", “Тоттенхэм” ва Саудия Арабистони чемпионати вакиллари билан музокара қилишдан бош тортган.

Трансфермаркт портали футболчининг трансфер қийматини 30 миллион еврога баҳоламоқда.