Клуб ҳурматсизлик қилди, кетаман!

Анлия Премьер-лигасининг энг қудратли клубларидан ҳисобланган “Челси” кейинги пайтда энг кўп ўйинчи алмаштирадиган жамоага айланиб қолди.

Жамоа ўйинчиларидан Карни Чуквуэмекага клубнинг футболчиларга нисбатан муносабати ёқмади ва у ўзига бошқа жамоа топишга қарор қилди.

Аслида 21 ёшли футболчи ҳам асосий таркибга кириши қийин кечаётгани боис, клубни тарк этиши керак бўлган ўйинчилар рўйхатига киритилган.

Sport Bild нашрининг ёзишича, Чуквуэмеканинг “Челси”дан хафсаласи пир бўлган ва клубдан кетмоқчилигини мутасаддиларнинг ўйинчиларга нисбатан ҳурматсиз муносабатда экани билан изоҳлаган.

Transfermarkt портали томонидан 18 миллион еврога баҳолаётган футболчи фаолиятини Бундеслигада – Дортмунднинг “Боруссия” клубида давом эттирмоқчи.