"Katta dubulg‘a" musobaqasi. Svetlana Osipova birinchi raqamli taekvondochiga mag‘lub bo‘ldi

Xitoyning Usi shahrida Katta dubulg‘a musobaqasi bahslari davom etmoqda.

Hamyurtimiz Svetlana Osipova chorak finalda britaniyalik Byanka Uolkdenga qarshi dayanga chiqdi. Svetlana ayni paytda Olimpiya reytingida birinchi o‘rinda borayotgan britaniyalik sportchiga munosib qarshilik ko‘rsatdi, ammo yakunda baribir Uolkden g‘olib bo‘ldi.

Oldinroq hamyurtimiz nimchorak finalda braziliyalik Rayane Pereyrani mag‘lub etgan edi.

Manba: O‘zbekiston taekvondo WT assotsiatsiyasi matbuot xizmati