Janjalkash Marioni okean ortiga chorlashmoqda

MLS klublari "Breshiya" forvardi Mario Balotellining xizmatlariga jiddiy qiziqish bildira boshladi.

Football Italia nashri tarqatgan xabarga ko‘ra, "Los-Andjeles Gelaksi" va yana ba’zi klublar italiyalik futbolchini o‘z tarkibida ko‘rishni xohlashmoqda. Mario va “Breshiya” rahbariyati o‘rtasida kelib chiqqan mojaroni inobatga oladigan bo‘lsak, uning jamoadan ketishi haqiqatga ancha yaqin.

Balotelli joriy mavsum A Seriyada 19 ta o‘yinda maydonga tushdi va o‘z hisobiga 5 ta gol yozdirib qo‘yishga erishdi. Uning “Breshiya” bilan amaldagi shartnomasi esa 2022 yilga qadar imzolangan.