Ispaniyada o‘yinlarga tayinlangan hakamlarni e’lon qilish kechiktiriladi

Ispaniyada o‘yinlarga tayinlangan hakamlarni oldindan e’lon qilish to‘xtatiladi.

Ispaniya Qirollik Futbol Federatsiyasi (RFEF) yangi mavsumdan boshlab La Liga va Segunda o‘yinlariga tayinlangan hakamlar jamoasi har bir uchrashuvdan bir kun oldin e’lon qilinishini ma’lum qildi.

Ta’kidlanishicha, ushbu qaror Ispaniya futboli tomonidan ma’qullangan hakamlar tizimini qayta tashkil etish bo‘yicha ko‘rilgan chora-tadbirlarning bir qismi hisoblanadi.

Eslatib o‘tamiz, La Liganing 1-tur o‘yinlari 15-19 avgust kunlari bo‘lib o‘tadi.