Ямалнинг юлдузли онлари сўниши мумкин

“Барселона”нинг 18 ёшли ўйинчиси Ламин Ямал ҳозир жаҳон футболининг энг ёрқин футболчиларидан бири ҳисобланади. Аммо унинг келажаги клубни хавотирга солиб қўйди.

The Sun нашрининг ёзишича, Ламин Ямал жорий мавсум дуч келаётган чов соҳасидаги жароҳат сурункали характерга эга бўлиши мумкин.

Бу ҳолат ёш футболчилардан кўп учрайди. Манбанинг таъкидлашича, Лионель Месси ҳам ёш даврида шу муаммога тўқнаш келган. Аргентиналик футболчи бу турдаги жароҳатдан тўлиқ тиклана олган.

Мутахассисларнинг таъкидлашича, агар Ламин Ямал кейинги ўйинларда ҳам шу жароҳати туфайли ноқулайлик ҳис қиладиган бўлса, жарроҳ амалиёти ўтказишига тўғри келади.

Таъкидлаш жоизки, жаҳон футболида навқирон пайтида порлаб, кейин жароҳат туфайли юқори даражага чиқолмай қолган ўйинчилар кўп. Бунга узоққа бормай, Ансу Фатини мисол қилиш мумкин.

Ўсмирлик давридаёқ “Барса” етакчисига айланган Фати жамоадан Лионель Месси кетганидан кейин унинг вориси сифатида эътироф этилганди. Кейинчалик жароҳатлар гирдобига тушиб қолган футболчи аввалги дарадасига кўтарила олмади.