Испания клублари Чемпионлар лигасида тарихий рекордни "урди"

Кетма-кет 17 мавсумдан буён УЕФА Чемпионлар лигасининг 1/4 финалида камида битта Ла Лига вакили бор.

Mister Chip тарқатган хабарларга кўра, бу турнирнинг янги рекорди ҳисобланади. Бунгача ҳеч бир чемпионат буни уддалай олмаган эди.

Эслатиб ўтамиз, ЕЧЛнинг чорак финалига "Реал", "Атлетико" ва "Вильярреал" клублари йўл олди.

Ҳозирча асосий еврокубокда гуруҳ босқичидан ўта олмаган испан клуби сифатида фақат “Барселона” қолмоқда. Каталонияликлар айни дамда Европа лигасида курашни давом эттирмоқда.