Исак "Ньюкасл"га миннатдорчилик билдирди

"Ливерпуль"нинг янги футболчиси Александер Исак клубни тарк этганидан сўнг "Ньюкасл"га мурожаат қилди.

"Биргаликда тарихни ёздик ва клубни ўз ўрнига олиб келдик. Чемпионлар Лигасига чиқишдан тортиб 70 йилдан ортиқ вақт ичида биринчи совринни қўлга киритишгача бўлган йўлнинг бир қисми бўлиш мен учун катта шараф. Мангу раҳмат. Раҳмат, "Ньюкасл",- деб ёзди Исак ўзининг ижтимоий тармоғида.

Эслатиб ўтамиз, Исак янги мавсумда "Ньюкасл" сафида бирор марта майдонга тушмади, чунки у "Ливерпуль"га ўтиш истаги туфайли клуб билан машғулотларни бойкот қилганди. Англиядаги трансфер ойнасининг сўнгги кунида швед охир-оқибат "қизиллар"га рекорд нархга сотилди.