Исак: "Мен "Ливерпуль"да тарих яратмоқчиман"

"Ливерпуль"нинг янги трансфери Александер Исак ўз карерасини давом эттириш учун нима сабабдан "қизиллар"ни танлаганини тушунтирди. Ҳужумчи трансфер ойнасининг сўнгги кунида "Ньюкасл"дан Мерсисайд клубига ўтди. Шведнинг ўтиши Англия Премьер-лигаси тарихидаги энг қиммат трансфер бўлди.

"Бу клуб қураётган лойиҳа ва у аллақачон мавжуд бўлган нарсага асосланиб яратаётган нарсаларнинг уйғунлигидир, деб ўйлайман. Клуб тарихи. Бунинг бир қисми бўлиш имкониятига эга бўлгач, мен тарих яратмоқчиман, совринлар қўлга киритмоқчиман. Бу мен учун энг катта мотивация ва бу мен учун янада ривожланиш, ўз ўйинимни янги босқичга кўтариш ва жамоага ёрдам бериш учун энг муносиб жой эканлигини билиб турибман."

"Ливерпуль"га келиб, футболчи сифатида ҳам такомиллашиш мумкинлигини ҳис қилганингиз сизни руҳлантирган омиллардан бири бўлдими?"

"Ҳа, албатта. Бу менинг карерамдаги кейинги қадам эканлигини ҳис қиляпман. Менга бу имконият берилганидан жуда хурсандман ва ундан самарали фойдаланиш учун  ғайратга тўламан", - дея Исакнинг сўзларини келтирди "Ливерпуль" матбуот хизмати.