Iroq MTJ bosh murabbiyi: Raqibning himoya chizig‘i haqida ularning murabbiyi gapirgani ma’qul

O‘zbekiston va Iroq termalari o‘rtasidagi o‘rtoqlik uchrashuvi yakunlandi. O‘yindan keyingi matbuot anjumanining ilk qismida Iroq termasi bosh murabbiyi bellashuv haqidagi fikrlarini bildirib o‘tdi:

"Yaxshi o‘yin bo‘ldi. Haqli tarzda g‘alaba qozondik. Raqibni o‘rganib chiqqanimizda himoyada muamolar borligini bilgandik. Yarim himoya va hujum ancha kuchli edi. Ayniqsa, Jaloliddin Masharipovni to‘xtatish qiyin bo‘ldi. Uni yopib qo‘yishga harakat qildik. O‘ylaymanki, biz buni uddaladik. Agar uni erkin qo‘yganimizda, u bir vaziyat bilan hujumchilarni yakkama-yakka vaziyatga chiqarib yuborishi mumkin edi.

To‘g‘ri, arab futboli vaqtni cho‘zadi. Ishoning, biz bugun unday qilmadik. Milliy chempionatimizni kuzatsangiz, bunday vaziyatlarga duch kelasiz. Bu qaerdan kirib kelganini bilmayman. Men hech qachon futbolchilarimga bunday qilishlarini buyurmayman.

Raqibning himoya chizig‘i? Bu haqda men gapira olmayman. O‘zbekiston bosh murabbiyi gapirgani ma’qul. Futbolchilarim raqib himoyasiga yaxshigina muammo to‘g‘dira oldi".