Ikkita to‘p farqi bilan yutqazayotgan "Bunyodkor" o‘z irodasini ko‘rsatdi

Bugun Shuhrat Maqsudov boshqaruvidagi “Bunyodkor” klubi Turkiyadagi yig‘ini doirasida Rossiyaning “Volgar” jamoasiga qarshi nazorat uchrashuvida ishtirok etdi.

Avvaliga Dmitriy Lesnikov bilan Ilya Stefanovichning gollari evaziga “Volgar” jamoasi 0:2 hisobida oldinga chiqib oldi. Shunga qaramay, “qaldirg‘ochlar” tushkunlikka tushmadi va o‘z irodasini ko‘rsatdi. 63-daqiqada Dilshod Jo‘raev va 82-daqiqada Rasul Yo‘ldoshev tomonidan urilgan gollar evaziga “Bunyodkor” mag‘lubiyatdan qutulib qoldi.

“Bunyodkor”: Sarvar Karimov, Sardor Xursandov, Jahongir O‘rozov, Xurshid Ubaydullaev, Muhammadodil Qahramonov, Odil Abdurahmonov, G‘ayrat Azizxo‘jaev, Suhrob Izzatov, Farhod Mirahmatov, Alfayziy Ne’matov, Husayn Ergashboev.

Ikkinchi bo‘limda maydonga tushganlar: Suhrob Sultonov, Davronjon Ergashev, Avazbek O‘lmasaliev, Mahmud Mahamadjonov, Dilshod Jo‘raev, Rasul Yo‘ldoshev, Bilol Tupliev, Sirojiddin Bashriddinov, Umid Sultonov, Usmonali Ismonaliev.