Ҳусанов бор, бу юлдуз керак эмас!

“Манчестер Сити” 2025-2026 йилги мавсумни “Вулверхэмптон” устидан қозонилган ажойиб ғалаба ва кутилмаганда “Тоттенхэм”дан учралган аламли мағлубият билан бошлади.

“Шаҳарликлар”нинг чемпионат бошидаги ўйинларини таҳлил қилишган киришган нуфузли манбалар, хусусан, esteemedkompany.com портали экспертлари жамоада жиддий ўзгаришлар давом этаётганини алоҳида эътибор қаратди.

Sports.uz портали ушбу таҳлилий мақолани ўзбекистонлик футбол ишқибозлари эътиборига ҳавола этишни маъқул топди.

- Хосеп Гвардиола Премьер-лиганинг дастлабки икки ўйинига танлаган таркибга эътибор қаратсак, жамоада авлодлар алмашинуви кечаётгани яққол намоён бўлади. Бу жараёнда мураббийлар штаби тажрибали юлдузларга эмас, аксинча иқтидорли ёшларга суянмоқда.

Кўпчиликни ҳайрон қолдирган масала – жамоанинг тажрибали юлдузлари Илкай Гюндоған ва Манужль Аканжи янги мавсумда ҳали бирор марта майдонга туширилмади. “Вулверхэмптон”га қарши баҳсда улар захирада қолдирилган бўлса, “Тоттенхэм” билан учрашув олдидан ҳар иккиси ҳам ўйин қайдномасига киритилмади.

“Вулверхэмптон” майдонидаги баҳснинг иккинчи бўлимида Хосеп Гвардиола ҳимоя марказига кўпчилик кутганидек Мануэль Аканжини эмас, балки ёш Абдуқодир Ҳусановни туширди. Ярим ҳимоядаги ўзгаришлар натижасида майдонда Илкай Гюндоған эмас, Нико О’Рейлига имконият берилди.

“Тоттенхэм”га қарши ўтказилган учрашувда Гюндоған ва Аканжининг қайдномага киритилмаганини бу икки юлдуз тез орада клубдан кетишидан дарак сифатида баҳоланяпти. Туркиянинг “Галатасарой” клуби бу ўйинчиларни анчадан бери ўз сафига чорлаб келади.  Бироқ бошқа даъвогарлар ҳам йўқ эмас.

Sky Sports News  нашри Англия Премьер-лигаси вакили “Кристал Пэлас” Мануэль Аканжини сўраб, “Манчестер Сити” раҳбариятига мурожаат қилганини ёзди. FCInterNews ва TuttoSport каби манбалар Илкай Гюндоғанни  А Сериянинг бир неча клублари ҳамкорликка чақираётганини маълум қилди.

Хосеп Гвардиола мавсум бошидаёқ катта тажрибага эга бўлган футболчилар ўрнига Ҳусанов ва Нико О’Рейли каби ёш ижрочиларни тушираётгани жамоа таркибини шакллантиришда муҳим аҳамият касб этади ва “Манчестер Сити”да авлодлар алмашинуви жадаллашиб бораётганидан далолат беради.

“Манчестер Сити”нинг якуний таркиби 1 сентябрь куни трансфер ойнаси ёпилганидан кейин тўлиқ аниқланади. Агар Илкай Гюндоған ва Мануэль Аканжи клубни тарк этадиган бўлса, бу кутилмаган янгилик сифатида баҳоланмайди. Улар қолган тақдирда ҳам, етарли даражада ўйин амалиёти берилмаслиги ҳозирдан маълум. Чунки Хосеп Гвардиола жамоасида янги давр бошланмоқда, - деб ёзди esteemedkompany.com портали эксперт Адам Марретт.

Файзуллаев узоқ танаффус олишга мажбур бўлди

Ҳусанов бор, бу юлдуз керак эмас!

Гвардиола Ҳусанов бўйича қарорини айтди

Гвардиола, Ҳусановдан воз кечиб, катта хато қилдинг!