Hamidjon Aktamov: Har doim penalti tepishni mashq qilamiz

"Bugun havo issiq bo‘lishiga qaramay, jamoalar shiddatli o‘yin kursatishdi. Jamoamiz O‘zbekiston kubogiga 3-bosqichidan qo‘shildi. O‘yin haqida aytadigan bo‘lsam, qiziqarli bahs bo‘ldi. Stadionda ajoyib atmosfera vujudga keldi. Muxlislarga gap yo‘q.

Ikkinchi golni o‘tkazib yuborgach, biroz tushkunlikka tushib qoldik. Keyin esa hisob tenglashgach, kayfiyatimiz ham ko‘tarildi. Jamoamizning asosiy hujumchisi Grigalashvilining jarohati borligi uchun uni zaxiradan maydonga tushirdim. Har doim penalti tepishni mashq qilamiz. Penaltilar seriyasi bu lotereya. Qo‘qonliklarga keyingi o‘yinlarda omad tilayman", - deb Aktamovning so‘zlarini keltirib o‘tdi "Qo‘qon-1912" matbuot xizmati.