Ҳабиб Нурмагомедов нима учун 5 миллиард долларлик таклифни ҳам рад этади?

Енгил вазн тоифасида UFC чемпиони Ҳабиб Нурмагомедов нима учун Конор МакГрегор билан "The Ultimate Fighter" шоусида иштирок этишни истамаганлигини тушунтирди.

“The Ultimate Fighter" Конорга катта эътибор қаратмоқда. Мен бундай қилмайман. Ҳеч қачон. UFC менга беш миллиард доллар таклиф қилган тақдирда ҳам... У билан боғлиқ барчасини 6 октябрда тугатганман (UFC 229 назарда тутилмоқда). Энди менда Жастин Гэтжи билан боғлиқ янги чорлов бор. Кейингиси ким бўлишини кўрамиз, аммо бу Конор бўлмайди, деб ўйлайман", - деди Ҳабиб ESPN мухбири Брет Окамото билан суҳбатда.

Аввалроқ, UFC президенти Дана Уайт эҳтимолий реванш жанги бўлиши мумкин бўлган жангчиларга "The Ultimate Fighter" шоусида қатнашишни таклиф қилганди. Нурмагомедов бу ғояни рад этди. Кейинчалик, Уайт ирландиялик ушбу ғояни бузганликда айбдор эканлигини айтганди.

Ҳабиб ва ​​Конор 2018 йил октябрь ойида “UFC 229” турнирида ўзаро тўқнаш келган ва россиялик спортчи тўртинчи раундда ғалабага эришганди.