Гвардиола “Юнайтед”ни неча марта тиз чўктирганини биласизми?

Англия Премьер-лигасининг тўртинчи турини “Манчестер Сити” ва “Манчестер Юнайтед” ўртасидаги ажойиб дерби якунлаб берди.

Мезбонларнинг тўлиқ устунлигида ўтган учрашувда Фил Фоден ҳисобни очган бўлса, Эрлинг Холанд ўйиннинг иккинчи ярмида дубль қайд этди – 3:0.

Бу баҳс Хосеп Гвардиоланинг “Сити” устози сифатида “Манчестер Юнайтед”га қарши ўтказган 30-учрашуви бўлди. Испаниялик мураббий бу тўқнашувлардан 17 тасини ўз фойдасига ҳал қилган.

“Манчестер Юнайтед” Хосеп Гвардиолага энг кўп ютқазган иккинчи жамоа бўлиб турибди. Бу борада Гвардиоладан энг кўп азият чеккан клуб “Арсенал” ҳисобланади. “Шаҳарликлар” маҳоратли бош мураббий қўл остида “канонирлар”ни 20 марта тиз чўктирган.