Gvardiola "Manchester Siti"ning yosh futbolchisini maqtadi

Angliya Kubogi doirasida "Manchester Siti" o‘z uyida "Solford Siti" ustidan yirik 8:0 hisobida g‘alaba qozondi. O‘yindan so‘ng jamoa bosh murabbiyi Xosep Gvardiola "shaharliklar" safida uchrashuvning eng yaxshi futbolchisi bo‘lgan Jeyms Makatini maqtab o‘tdi.

"Jeyms uzoq vaqtdan beri bizning akadimiyamizda. Shu bilan birga u Jeydon Sancho, Koul Palmer, Morgan Rojers kabi futbolchilar bilan birga shug‘ullangan. U akademiyadagi eng katta iste’dodlardan biri. Bundan tashqari, yuqorida sanab o‘tgan futbolchilarning sardori ham hisoblangan. Albatta, biz bilan birga ekanligidan xursandman" - dedi ispaniyalik mutaxassis.

Ma’lumot uchun, 22 yoshli yarimhimoyachi "Solford"ga qarshi bellashuvda xet-trik muallifiga aylangan edi.