Гвардиола бу учрашувни ҳеч қачон унутмайди

Англия премьер-лигаснинг олтинчи турида “Манчестер Сити” сафар учрашувида “Челси”ни кичик ҳисобда мағлубиятга учратди.

Бу ғалаба “шаҳарликлар” бош мураббийи Хосеп Гвардиолани рекордчига айлантирди. Испаниялик мутахассис “Манчестер Сити” билан энг кўп муваффақият қозонган мураббийга айланди. Унинг ушбу жамоа бош мураббийи сифатида қайд этган ғалабалари сони 221 тани ташкил қилмоқда.

Аввалги рекорд Лес Макдауээга тегишли бўлиб, у 13 йил давомида жамоани 220 та ғалабага етаклаган.

Клуб матбуот хизматининг маълум қилишича, Гвардиола бу натижага 303 та учрашувда эришди. Шунингдек, унинг ҳисобида 37 та дуранг ва 45 та мағлубият ҳам бор.