Гвардиола Абдуқодир Ҳусановнинг асосий рақобатчиси ва бир неча футболчиларининг ҳолати ҳақида батафсил гапирди (матбуот анжумани)

"Манчестер Сити" бош мураббийи Хосеп Гвардиола жамоа ҳолати, Нико Ў'Райлининг ривожи, чемпионлик пойгаси ва бошқа муҳим мавзулар ҳақида жонли матбуот анжуманида ўз фикрларини билдирди:

Ў'Райлининг "Вулверхэмптон"га қарши алмаштирилиши ҳақида:

"У жуда кўп дақиқалар ўйнади. Баъзи футболчилар ажойиб ўйнаб ҳам кейинги баҳсда иштирок этмайди. Баъзилар унчалик яхши ўйнамайди, лекин майдонга тушишда давом этади. Бу жазо эмас — ҳар бир ўйин таҳлил қилинади. Ўйин ўтди — ўргандик ва кейингига тайёрланамиз. Айниқса ёшлар жамоага мунтазам таъсир кўрсата бошласа, жуда яхши".


 

Ў'Райлининг жамоадаги роли:

"Албатта, усиз бу натижаларни тасаввур қилиш қийин. У биз учун катта аҳамиятга эга бўлди". 

Унинг ярим ҳимоядаги ўрни:

"Албатта, у бу позицияда ўйнай олади. Эртага? Кўрасиз..."

Кевин Де Брюйне бошқа АПЛ клубига ўтиши ҳақида:

"Билмайман. Мен Кевин ва унинг оиласи учун фақат яхшилик тилайман".


 

АПЛда тўртлик учун кураш ва жамоа мақсади:

"6-7 жамоа Чемпионлар лигасига чиқиш учун имкониятга эга. Биз ҳар учта ўйинда ғалаба қозонсак, мақсадга етамиз. Ҳаммаси ўз қўлимизда".

АПЛда иккинчи ўрин ва Кубок ғалабаси мавсумни яхши деб баҳолашга арзийдими?

"Кечирасиз, бу ҳақида ўйламаяпман. Ҳозирги фикрим — фақат "Саутгемптон". Кун давомида соатлаб улар ҳақида ўйлаяпман".

Хаби Алонсонинг "Байер"даги таъсири:

"Ажойиб. Уни футболчи сифатида танийдиган барча одамлар ундан келажакда яхши мураббий чиқишини биларди. Германияда "Бавария"га қарши кураш олиб бориш — ўзи катта иш. У ўтган мавсумда фақат ЕЛ финалида ютилиб, қолган барча ўйинларда мағлуб бўлмади. Улар қандай ўйнайди, футболчиларни қандай ривожлантирди — Леверкузен бундай ҳамкорликдан фахрланиши мумкин".


 

Эрлинг Холанднинг жамоада "очлик" етишмаётгани ҳақидаги сўзлари:

"Агар Эрлинг шундай ҳис қилса, футболчилар ўзаро гаплашиб, сабабини аниқлашлари керак. Биз натижалардан хурсандмиз, лекин бу узоқ муддатли барқарорлик бўлиши шарт".


 

Родрининг ҳолати бўйича нималар дея оласиз?​:

"У ҳали ҳам жамоага тайёр эмас".

 

Яқиндагина жароҳатдан қайтган​ Аке ва Бобб ҳақида:

"Натан Аке ва Оскар Бобб қисман машғулотларга қўшилди, лекин ҳали ҳам тўлиқ тайёр эмаслар".

Ковачичнинг жорий мавсумдаги ўйини ҳақида:

"У ажойиб ўйнаяпти. Айниқса, Бернардо, Гюндоган ёки Нико билан ёнма-ён ўйнаса, юқори даражада ҳаракат қилмоқда".

Жамоанинг сўнгги формаси:

"Мавсумнинг иккинчи ярмидаги энг яхши натижалар қаторини қайд этдик".

"Саутгемптон"га қарши ўйин ҳақида:

"Ҳисоб 0:0. Бу биз учун жуда муҳим ўйин. Фақат учта баҳс қолди. Уларга нисбатан катта ҳурматдаман" - дея таъриф бериб ўтди испаниялик мутахассис. 

Маълумот ўрнида, Гвардиола бошчилигидаги "шаҳарликлар" 10 май куни "Саутгемптон"га қарши кураш олиб боради. Бу беллашув эса соат 19:00 да старт олади.