Футбол афсонаси ҳозирги кунда энг зўр беш ярим ҳимоячини аниқлаб берди

Англия миллий терма жамоаси ва “Манчестер Юнайтед”даги ўйинлари билан футбол афсонаси даражасига кўтарилган Пол Скоулз замонавий футболдаги энг зўр ярим ҳимоячилар номини айтди.

Скоулз тузган рейтингда биринчи ўринга “Барселона” вакили Педри лойиқ кўрилди. Пол Каталония клубида ёрқин ўйин кўрсатаётган Педрини ўзининг энг севимли ўйинчиси, деб атади.

Англиялик афсона иккинчи ўринга яна бир испан футболчиси – “Манчестер Сити”да ўйнаб келаётган “Олтин тўп” соҳиби Родрини жойлади.

Шунингдек, ПСЖнинг португалиялик легионери Витинья, “Ливерпуль”нинг аргентиналик ярим ҳимоячиси Алексис Мак Аллистер ҳамда “Барселона”нинг нидерландиялик ўйинчиси Френки де Йонг ҳам Пол Скоулз томонидан алоҳида эътироф этилди.