Frensis Ngannuga raqobatchi paydo bo‘lmoqda yoxud "UFC Vegas 30"ning to‘liq natijalari bilan tanishing!

Bugun tongda UFC promoushenining navbatdagi turniri bo‘lib o‘tdi. Ya’ni, "UFC Vegas 30" deya nomlangan jang kechasi tashkil etildi. Mazkur oqshomning markaziy jangi og‘ir vazn toifasidagi rossiyalik Aleksandr Volkov va ushbu divizionning kashfiyotiga aylangan frantsiyalik Siril Gan o‘rtasida bo‘lib o‘tdi. Butun jang mobaynida nisbatan faol va aniq harakat qilgan Gan yakunda hakamlarning yakdil qaroriga ko‘ra, g‘alaba qozondi. Shu o‘rinda aytib o‘tish joizki, og‘ir vazn toifasida kamerunlik Frensis Ngannu chempion hisoblanadi va Gan tez orada ushbu divizion chempionligi uchun Ngannu bilan raqobatlashsa ajab emas!

Shuningdek, turnirda yana bir qator qiziqarli to‘qnashuvlar sodir bo‘ldi. Quyida ushbu kechaning qolgan natijalari bilan tanishishingiz mumkin.

Asosiy kard 

Og‘ir vazn toifasi

Tanner Boser (Kanada) - Ovins Sent Pryu (Gaiti). Ikkinchi raundda Boser nokaut bilan zafar quchdi. 

O‘ta engil vazn

Timur Valiev (Rossiya) - Raoni Barselos (Braziliya). Valiev hakamlarning alohida qaroriga ko‘ra, g‘alaba qozondi.

Yarim o‘rta vazn

Tim Mins (AQSh) - Nikolas Dalbi (Daniya). Mins hakamlarning yakdil qaroriga muvofiq g‘olib chiqdi. 

Engil vazn

Renato Moykano (Braziliya) - Jay Gerbert (Angliya). Ikkinchi raundda Moykano bo‘g‘ish uslubi bilan g‘alaba qozondi. 

Prelim kard

Yarim og‘ir vazn

Kennedi Nzechakvu(Nigeriya) - Danilo Markes (Braziliya). Nzechakvu 3-raundda texnik nokaut bilan zafar quchdi.

Yarim o‘rta vazn 

Shavkat Rahmonov (Qozog‘iston) - Mishel Prazers (Braziliya). Rahmonov ikkinchi raundda bo‘g‘ish uslubi bilan g‘olib chiqdi. 

Yarim o‘rta vazn

Vorli Alves (Braziliya) - Jeremaya Uelss (AQSh). Uelss ikkinchi raundda raqibini nokautga uchratdi.

Yarim og‘ir vazn

Marchin Praxnio (Polsha) - Isaak Villanueva (AQSh). Praxnio texnik nokaut evaziga zafar quchdi. 

O‘ta engil vazn (Ayollar)

Juliya Avila (AQSh)- Yuliya Stolyarenko (Litva). Avila uchinchi raundda bo‘g‘ish uslubi bilan g‘alaba qozondi. 

Yarim engil vazn

Charlz Rosa (AQSh) -Jastin Jaynes (AQSh). Rosa hakamlarning qaroriga ko‘ra, g‘alaba qozondi. 

Engil vazn

Yansi Medeyrosh (AQSh) - Damir Xadzovich (Bosiniya va Gertsegovina). Hakamlarning yakdil qaroriga muvofiq Xadzovich zafar quchdi.