Флик “Севилья”дан учралган йирик мағлубиятга изоҳ берди

"Барселона" бош мураббийи Ханс-Дитер Флик жамоасининг Испания Ла Лигасининг 8-турида “Севилья”га  қарши кечган учрашувдаги мағлубияти ҳақида фикр билдирди. 

“Биз бу мағлубиятни қабул қилишимиз ва унга ижобий томондан қарашимиз керак. Биринчи бўлимда жуда кўп хатоларга йўл қўйдик, аммо иккинчи бўлимда бунга жавоб қайтара олдик. Октябрь ойидаги терма жамоалар ўйинлари учун танаффус бизга фойда келтиради. Футболчилар терма жамоалардан қайтгач, уларнинг энг яхши формасини тиклаш учун қаттиқ меҳнат қиламиз.

Биз мағлубиятдан ранжиган мухлислар учун ўйнаймиз. Аммо буни қабул қилиб, олдинга қараш лозим. Биринчи бўлим омадсиз ўтди — рақиб жуда агрессив ўйнади ва биз ечим топа олмадик. Иккинчи бўлимда футболчилар яхши ҳаракат қилди  аммо “Севилья” кўпроқ гол урди. Бу мағлубиятдан сўнг бирдамликни сақлаш муҳим. Биз яхши жамоамиз ва терма жамоалар танаффусидан сўнг ҳар бир соврин учун курашамиз”, — деди мутахассис.

 Маълумот учун, каталонияликлар 8-турдан сўнг 19 очко жамғариб, турнир жадвалида 2-ўринда бормоқда.