FIFA Qatardan mundial mezbonligini olib qo‘ymaydi

JCh-2022 tashkiliy qo‘mitasi musobaqa mezbonligi Qatardan olib qo‘yilishi borasida tarqalgan xabarlarni rad etdi.

Eslatib o‘tish lozimki, UEFAning sobiq prezidenti Mishel Platini qo‘lga olinib, so‘roqqa tutilganidan so‘ng, FIFA yashirin tarzda yig‘ilish o‘tkazib, Qatardan mundial mezbonligini boshqa davlatga olib berish masalasini ko‘rib chiqayotgani haqida xabarlar tarqalgan edi.

“Qatar va FIFA hamon JCh-2022 ga tayyorgarlik ko‘rmoqda. Joriy yil so‘nggiga borib 4ta stadion tayyor bo‘ladi, kelgusi yil oxiriga borib esa barcha obektlar foydalanishga topshiriladi. Hammasi o‘z kuchida”, - deb yoziladi tashkiliy qo‘mita bayonotida.