FIFA Falastinning shikoyatini o‘rganib chiqadi va Isroil masalasida tekshiruv o‘tkazadi

Xalqaro futbol federatsiyasi (FIFA) tashkilot Kengashi yig‘ilishida tartib-intizom qo‘mitasi Falastin futbol assotsiatsiyasining Isroil tomonidan yuzaga kelishi mumkin bo‘lgan huquqbuzarlik va kamsitish holatlari yuzasidan shikoyatlarini huquqiy ko‘rib chiqishini ma’lum qildi. Bu haqda FIFA sayti xabar bermoqda.

Qayd etilishicha, FIFAning Boshqaruv, audit va qoidalarga rioya qilish qo‘mitasi tekshiruv o‘tkazadi va natijada FIFA kengashiga Isroil futbol jamoalarining xalqaro musobaqalarda ishtirok etishi mumkinligi bo‘yicha tavsiyalar beriladi.

“FIFA Kengashi bu juda nozik masalada ehtiyotkorlik bilan ish olib bordi va puxta baholash asosida mustaqil ekspertlar tavsiyalariga amal qildi”, - dedi FIFA prezidenti Janni Infantino.